ئاژانسا خانی ، زنار تۆڤی:
رێڤەبەرێ گشتییێ چاندنێ ل پارێزگه‌ها دهۆکێ دیار كر، د هه‌یاما دو رۆژان دا 50 ته‌نێن مازییان بۆ دەرڤه‌یی هەرێما کوردستانێ هاتینه هنارتن و ل سالا بوری پتری 250 ته‌نێن مازییان بۆ دهرڤهیی كوردستانێ هاتبوونه هنارتن.
ئەحمەد جەمیل، رێڤەبەرێ گشتییێ چاندنێ ل پارێزگه‌ها دهۆکێ بۆ ئاژانسا خانی دیار كر: گه‌له‌ك به‌رهه‌مێن چییایی ل هەرێما کوردستانێ هه‌نه و كوردستان یا ناسیاره ب بەرهەمێن ناڤخۆیی و د ماوه‌یێ كابینا نه‌هێ یا حکومەتا هەرێما کوردستانێ چەندین بەرهەمێن ناڤخۆیی بۆ دەرڤه‌یی هەرێما کوردستانێ هاتینه هنارتن و ل ڤان دو رۆژان ژی 50 ته‌نێن مازییان بۆ دهرڤهیی كوردستانێ هاتینه هنارتن.
ئه‌و ژی گۆت: ئه‌ڤ ساله رێژه‌كا باش یا مازییان ل چییایێن كوردستانێ هه‌نه و ل ڤان دو رۆژێن بوری 50 ته‌نێن بەرهەمێ مازییان بۆ وه‌لاتێ تورکیا هاتینه هنارتن و هه‌روه‌سا ڤرێكرنا مازییان بۆ وه‌لاتێ توركی دێ یا به‌رده‌وام بیت.
