زێده‌تر ژ 40 گه‌نجێن كورد ل كه‌ركووكێ هاتنه ده‌سته‌سه‌ركرن و بریاره ئه‌ڤرۆ روونشتنا ئێكێ یا دادگه‌ها وان برێڤه بچیت، هێزێن عیراقێ ژى ل تاخێ شۆراو ده‌ست ب لێگه‌ریان و پشكنینا ده‌ست ب سه‌رداگرتنا چه‌كى كرییه.
پشتى ئالۆزییێن دووهى یێن كه‌ركووكێ، هێزێن ئێمناهییێ ل تاخێن كوردان به‌لاڤبووینه و هێزه‌كا مه‌زن ل كۆلان و جادده‌یان دهێته دیتن، ل تاخێ شۆراو پشكنینێن هیزێن عیراقێ بۆ ده‌ست ب سه‌رداگرتنا چه‌كى ب فه‌رمانا سه‌رۆكوه‌زیرێن عیراقێ ده‌ستپێكرییه.
ره‌وشا كه‌ركووكێ ئارامبوویه و خۆ نیشاندان و به‌رهنگاربوون ب دووماهى هاتینه، لێ نوكه هێزێن عیراقێ پشكنینان ل پشكه‌كا تاخێن كوردان دكه‌ن و گه‌نجێن كوردان ده‌سته‌سه‌ر دكه‌ن.
