شاخه‌وان عه‌بدوللا بۆ حكومه‌تا عیراقێ: لێپرسینێ دگه‌ل وان هێزێن ئێمناهییێ بكه‌ یێن ته‌قه‌ ل خۆنیشانده‌ران كرى

جێگرێ دووێ یێ سه‌رۆكی جڤاتا نوونه‌رێن عیراقێ داخواز ژ حكومه‌تا عیراقێ كر، رێكارێن پێدڤى و بله‌ز بگریته‌ به‌ر و ئاسایش و سه‌روه‌رییا قانوونێ ب سه‌ر هه‌موویاندا ب سه‌پینیت، هه‌روه‌سا لێپرسینێ دگه‌ل وان هێزێن ئێمناهییێ بكه‌ت، یێن ته‌قه‌ ل خۆنیشانده‌ران كرى.

نڤێسینگه‌ها راگه‌هاندنا شاخه‌وان عه‌بدوللا جێگرێ دووێ یێ سه‌رۆكێ جڤاتا نوونه‌رێن عیراقێ د راگه‌هاندنه‌كێدا ئاماژه‌ ب هندێ دا، شاخه‌وان عه‌بدوللا دێ دووڤچوونێ بۆ روودانێن كه‌ركووكێ كه‌ت و دگه‌ل سه‌رۆكوه‌زیران و هنده‌ك لایه‌ن و كه‌سایه‌تییان د په‌یوه‌ندییێدایه‌.

جێگرێ دووێ یێ سه‌رۆكێ جڤاتا نوونه‌رێن عیراقێ داخوازێ ژ حكومه‌تا فیدرالى دكه‌ت، رێكارێن پێدڤى و بله‌ز بگریته‌ به‌ر و ئاسایش و سه‌روه‌رییا قانوونێ ب سه‌ر هه‌موویاندا ب سه‌پینیت، دگه‌ل پاراستنا ئاسایش و ژیانا هه‌موو پێكهاته‌یێن كه‌ركووكێ و رێكێ ل هه‌موو ئه‌وێن بزاڤێن تێكدانا ئاسایشێ دكه‌ن، بگریت.

شاخه‌وان عه‌بدوللا ب پێدڤى دزانیت لێپرسین دگه‌ل وان هێزێن ئێمناهییێ بهێته‌كرن، یێن ته‌قه‌ ل خۆنیشانده‌رێن ئاشتیخواز كری، رێكا دناڤبه‌را كه‌ركووك – هه‌ولێردا بهێته‌ ڤه‌كرن و سه‌قامگێری و ژیانا ئاسایى بۆ باژێرى بهێته‌ ڤه‌گه‌ڕاندن.