ئاژانسا خانی:
کابینا نەهێ یا حکومەتا هەرێما کوردستانێ گه‌له‌ك گرنگی ب کەرتێ چاندنێ دایە و ئەڤە ژی بوویە ئەگەر” كو کەرتێ چاندنێ ل پارێزگەها دهۆکێ گەشەکا باش ب خوەڤە ببینیت، د چارچوڤێ گرنگیدان و پتر پێشخستنا ڤی کەرتی ژی گرنگیەکا زۆر ب پرۆژێن سامانێ ئاژەلی ژی هاتییە دان ژلایێ حکومەتا هەرێما کوردستانێ ڤە و پرۆژە بەرەڤ زێدەبوونێنه.
رێڤه‌به‌رییا گشتی یا چاندنێ ل پارێزگه‌ها دهۆكی دیار كر: ژ وان پرۆژێن سامانێ ئاژەلی ژی یێن سەردەمێ کابینا نەهێ یا حکومەتا هەرێما کوردستانێ زێدەبووین پروژێن پەلەوەرێن گوشتی، كو ل سالا ٢٠١٩ ێ دا (٢٧٢) پرۆژە بووینە نوکە بووینه ٣٣٢ پرۆژە، هه‌روه‌سا پرۆژێن هێکێن خوارنێ (٢) پرۆژە بووینە و نوکە بووینه (٥) پرۆژە، دیسان پرۆژێن خودانکرنا گولکان ژی(١١) بووینه و نوکە بووینه (٢٩) پرۆژه.
هه‌روه‌سا گۆت ژی” ب رێیا کەرتێ وەبەرهێنانێ و وەبەرهێنەرا ژی دو پرۆژێن مەزن و گرنگ د قووناغێن بجهئینانێ دانە” ئه‌و ژی پرۆژێ بخودانکرنا چێلێن شیری د قووناغا ئێکێ دا سێ هزار سەرێن چێلان دێ بخۆدان کەت و د شیان دایە رۆژانە (١٢٠) تەنێن شیری بەرهەم بینیت، ئەڤ پرۆژە ٨٠٪ تەمام بوویە دەلیڤاکاری دێ بۆ (٢٥٠٠) کەسان دێ پەیداکەت” پرۆژێ ماسی” قەفەس ژی ئێک ژ وان پرۆژێن گرنگە یێن سامانێ ئاژەلی یێ دهیتە دروستکرن و د سالەکێ دا شیانێن بەرهەمئینا (١٢٠٠) تەنێن گوشتێ ماسی هەنە.
