<h3 style="text-align: justify;"><span style="font-size: 18pt;">شاندێ دانوستاندكارێ ههرێما كوردستانێ ل بهغدا داخوازا چارهسهركرنا سێ بابهتان دكهت كو دقانوونا بودجهیدا تایبهتن ب مووچه، خهرجى و پارهیێ كۆمپانییین پهترۆلێ، بریاره ڕاپۆرتهك ل دۆر ڤێ چهندێ ڕادهستى سهرۆكوهزیرێن عیراقێ بهێتهكرن، لێ وهزیرا داراییا حكومهتا فیدرالى یا رازى نینه ژبلى دووماهى كوژمهیێ 700 ملیار دینارێن ب قهر بۆ ههرێما كوردستانێ، چ پارهیهكێ دى د ئهڤسالهدا بهنێریت.</span></h3> <h3 style="text-align: justify;"><span style="font-size: 18pt;">ل دووڤ زانیارییان، شاندێ دانوستاندكارێ ههرێما كوردستانێ ل بهغدا ئهڤرۆ دێ بهردهوامییێ ب كۆمبوونێن خوه دگهل لایهنێن بهغدا یێن پهیوهندى ب بودجه و پشكا ههرێما كوردستانێڤه ههى كهت.</span></h3> <h3 style="text-align: justify;"><span style="font-size: 18pt;">زانیاری دیاردكهن، شاندنێ دانوستاندكارێ ههرێما كوردستانێ پێشنیازا چارهسهركرنا ئاریشهیا هنارتنا پشكا ههرێما كوردستانێ كرییه، بریاره لژنهیا بهغدا رێكهچارهیهكێ بۆ ئهوان ئاریشهیان ب ڕاپۆرتهكێ بدهته سهرۆكوهزیران بكهت داكو بهێته ئێكلاكرن.</span></h3> <h3 style="text-align: justify;"><span style="font-size: 18pt;">پێشنیازا شاندێ كورد بۆ ههمواركرنا قانوونا بودجهیا گشتییه و داخوازا ههمواركرنا سێ بابهتان كرییه، ئهو ژى بڕگهیا خهرجییا راستهقینه، دیاركرنا مووچهیێ فهرمانبهرێن ههرێما كوردستانێ و بهلاڤكرنا وى دگهل مووچهیێ فهرمانبهرێن عیراقێ ب شێوهیهكێ ئێكسهر و گوهۆرینا شێوازێ خهرجكرنا شایستهیێن داراییێن كۆمپانییێن پهترۆلێ ل ههرێما كوردستانێ.</span></h3>
