<h3 style="text-align: justify;"><span style="font-size: 18pt;">بۆردێ ئێكهتییا نێڤدهولهتییا فوتبۆلێ دێ دوو قانوونێن نوو دیارییێن فوتبۆلێدا تاقیكهت.</span></h3> <h3 style="text-align: justify;"><span style="font-size: 18pt;">بۆردێ ئێكهتییا نێڤدهولهتییا فوتبۆلێ یێ بهرنیاس ب ( ئیفاب )، دكۆمبوونا خوه یا سالانهدا ل باژێرێ لهندهن دانوستاندن ل سهر قانوونێن نوو كر، كو دخوازیت دیارییاندا زێدهبكهت و ههردوو قانوونان دێ د پریمهرلیگێدا تاقى كهت.</span></h3> <h3 style="text-align: justify;"><span style="font-size: 18pt;">ئیفابێ دڤێت ل وهرزێ بهێت ڕهوشتێ یاریكهران باشتر لێبكهت و ڕێزێ ل دادڤانان بگرن، بۆ ڤێ مهرهمێ پشتهڤانی ل كارتا ( كهسك ) كر، ههروهسا دڤێت قانوونهكا نوو بجهبینیت كو نابیت ژبلى كاپبتنێ تیمێ، چ یاریكهرێن دى و راهێنهر دگهل دادڤانى باخڤن و نهرازیبوونا خوه ل سهر بریارێن وى دهرببرن.</span></h3> <h3 style="text-align: justify;"><span style="font-size: 18pt;">قانوونا بكارئینانا كارتا ( كهسك ) ل چهند خۆلێن نهفهرمى و ئاستێ لاوان هاتییه بكارینان و سهركهڤتنهكا باش ئینایه، ل دووڤ قانوونا نوو، ئهڤ جۆره كارته دێ بكارئێت، دهمێ یاریكهرهك شاشییهكێ بكهت و ژ ههژى كارتهكا زێدهتر ژ یا زهر بیت لێ ژ ههژى كارتا سوور نهبیت، دهمێ یاریكهر ڤێ كارتێ وهردگریت، دێ بۆ ماوێ 10 خۆلهكان ژ یارییێ دهركهڤیت، پشتى تمامبوونا وى ماوهى، دێ ڤهگهریته یاریگههێ و بهردهوامییێ ب یاریكرنێ دهت.</span></h3> <h3 style="text-align: justify;"><span style="font-size: 18pt;">ئێك ژ نموونهیێن وان فاولان یێن ژ ههژى كارتا ( كهسك ) بن، فاولا جۆرجیۆ كیللینى بهرهڤانێ ئیتالیا بوو، دهمێ ل یارییا فینالا یۆرۆیا 2020ێ دناڤبهرا ئیتالیا و ئنگلتهرادا، درێسێ بۆكایۆ ساكا هێرشبهرێ ههلبژارتییێ ئنگلتهرا ڕاكێشاى، دادڤانى ل وى دهمى ب تنێ كارتا زهر دایێ، پشتى بجهئینانا قانوونا نوو، دڤان فاولاندا یاریكهر دێ كارتا ( كهسك ) وهرگریت و بۆ ماوێ 10 خۆلهكان ژ یارییێ دهركهڤیت.</span></h3> <h3 style="text-align: justify;"><span style="font-size: 18pt;">قانوونهكا دییا كو ئیفابێ دڤێت بجهبینیت ئهوه، ل چهند دهمێن دیاركری و ب تنێ كاپتنێ تیمێ دێ شێت دگهل دادڤانى ئاخڤیت، مهرهم ژ ڤێ بریارێ باشتركرنا ڕهوشتێ یاریكهر و ڕاهێنهرانه بهرامبهر دادڤانان، ل دووڤ نووچهیان، ل چهند سالێن ڤێ دووماهییێ قهیرانا دادڤانان فیفا گرتییه، ل دووڤ میدیایا بریتانیا ئهگهر ئهوه كو كهسێ نهڤێت كارهكى ب ههلبژێریت كو بهردهوام ههواركرن ل سهر سهرێ وى بیت و ئاخڤتنێن كرێت بچنه وى، لهوما پێشبینى دهێتهكرن برێیا بجهئینانا ڤێ قانوونێ، ئهو ئاریشه بهێته چارهسهركرن و خهلكهكێ زێده بهرهڤ دادڤانییێڤه بچیت.</span></h3> <h3 style="text-align: justify;"><span style="font-size: 18pt;">سهربارى كو دهمێ بجهئینانا قانوونان نههاتییه دیاركرن، لێ ل دووڤ پێشبینییان، ڕهنگه ل وهرزێ بهێت بریار بهێنه بجهئینان و گوهۆرینێن مهزن دیارییا فوتبۆلێدا بهێنهكرن.</span></h3>
