ڕێڤهبهرێ كۆچ و كۆچبهرێن پارێزگهها دهۆكێ دبێژیت: نێزیكى 200 ملیار دینارێن پارێزگهها دهۆكێ وهكو بهایێ كارهبێ و زهڤییێن جۆتیاران ب قهر ل دهڤ بهغدانه.
پیردهیان پیر جهعغهر ڕێڤهبهرێ كۆچ و كۆچبهرێن پارێزگهها دهۆكێ بۆ ئاژانسا خانى دیاركر، 20 كهمپێن تایبهت ب ئاواره و پهنابهران ل سنۆرێ پارێزگهها دهۆكێ و ئیدارهیا سهربهخۆ یا زاخۆ ههنه، 15 ژ وان كهمپان ئاوارهیێن ناڤخۆ تێدا د ئاكنجینه و بههرا پتر یا وان ژى خهلكێ شنگالێنه، پێنج كهمپێن دیژى پهنابهرێن سووریا و ڕۆژئاڤایێ كوردستانێ تێدانه.
دیار ژى كر، نێزیكى 337 هزار ئاواهریان دناڤ كهمپان و ژ دهرڤهى كهمپاندا ههنه، بههرا پتر یا وان ژ دهرڤهى كهمپان دژین، 25 هزار و 700 خێزان دناڤ كهمپاندانه كو نێزیكى 137 هزار كهسانه، ههروهسا 37 هزار و 800 خێزان ژ دهرڤهى كهمپانه كو نێزیكى 200 هزار كهسانه.
سهبارهت دابینكرنا خزمهتگوزارییان دناڤ كهمپاندا ژلایێ ئاژانسێن سهر ب نهتهوهیێن ئێكگرتیڤه ئاشكراكر، نوكه ههموو سێكتهرێن خزمهتگوزاری، ساخلهمى كارهب، ئاڤ، پاقژكرن و پهروهردهێ كهڤتینه سهر حكومهتا ههرێما كوردستانێ، ژبهركو ل سالا 2023ێ ئاژانسێن سهر ب نهتهوهیێن ئێكگرتیڤه و رێكخراوێن مرۆڤى، كارێن خوه نێزیكى 70%ێ كێمكرینه.
