<h3 style="text-align: justify;"><span style="font-size: 18pt;">به‌رپرسا لقا پێنج یا پارتى دیموكراتى كوردستان ل به‌غدا ڕاگه‌هاند، چ بهانه بۆ پاشخستنا هه‌لبژارتنێن په‌رله‌مانێ كوردستانێ نینن، پارتى دگه‌ل هندێیه كو دڤێت هه‌لبژارتن د ده‌مێ خوه یێ دیاركریدا بهێنه‌كرن.</span></h3> <h3 style="text-align: justify;"><span style="font-size: 18pt;">ئه‌شواق جاف به‌رپرسا لقا پێنج یا پارتى دیموكراتى كوردستان ل به‌غدا بۆ ئاژانسا خانى دیاركر، چ بهانه بۆ پاشخستنا هه‌لبژارتنێن په‌رله‌مانێ كوردستانێ نینن، كۆمسیۆنا بلندا سه‌ربه‌خۆ پێشتر به‌رهه‌ڤییێن خوه تمامكرینه، به‌لگه ژى ئه‌وه كو به‌رى چه‌ند ڕۆژان هه‌لبژارتنێن جڤاتێن پارێزگه‌هێن عیراقێ ب ڕێڤه‌برینه، كارێ وێ ژى بۆ شه‌ش هه‌یڤان هاتییه درێژكرن، ئه‌ڤجا ئه‌گه‌ر هاتنه پاشخستن دێ مه‌ره‌مێن سیاسى ل پشتبن.</span></h3> <h3 style="text-align: justify;"><span style="font-size: 18pt;">گوت ژى: گه‌له‌ك چاڤ ل سه‌ر پرۆسه‌یا دیموكراسى ل عیراقێ و هه‌رێما كوردستانێنه، سه‌رۆك بارزانى و نه‌ته‌وه‌یێن ئێكگرتى دگه‌ل هندێنه كو دڤێت هه‌لبژارتن بهێنه كرن، ژبه‌ركو گیروبوونا وان دێ كارتێكرنێ ل سه‌ر پرۆسه‌یا دیموكراسییا هه‌رێما كوردستانێ كه‌ت.</span></h3> <h3 style="text-align: justify;"><span style="font-size: 18pt;">ئاماژه ب هندێ ژى دا، ئه‌و لایه‌نێن نه‌شیاین ب چه‌كى ئه‌زموونا هه‌رێما كوردستانێ تێكبده‌ن و قه‌واره‌یێ وێ نه‌هێلن، په‌نایێ بۆ برنا چه‌ند كه‌یسان بۆ دادگه‌ها فیدرالى دبه‌ن، كو هنده‌ك جاران وان كه‌یسان په‌یوه‌ندى ب دادگه‌ها فیدرالیژیڤه نینه.</span></h3>
