بەرپرسێ فەرمانگەها پەیوەندییێن دەرڤه ل حکومەتا هەرێما کوردستانێ راگەهاند، مه بزاڤ كرینه کۆدەنگیەکا نێڤدەولەتی ل سەر وێ روودانا دلتەزین دروست بکەین و ئیدانا ئەوان کاران بکەن، د هەمان ده‌مدا پێگەهێ هەرێما کوردستانێ ژی بهێته پاراستن.
سەفین دزەیی، گۆت ژی: ئەو هژمارا زۆرا کونسولخانا ل هەرێما کوردستانێ هەین، هه‌رده‌م مه پەیوەندییەکا راستەوخۆ ل گه‌ل وان هه‌یه، گۆت ژی: پشتی كۆچا ملیۆنی ل سالا 1991 ێ” سەرهەلدانا هەرێما کوردستانێ، وه‌سا چێبوو کو جڤاكێ نێودەولەتی پابەندبوونه‌كێ بەرامبەر هەرێما کوردستانێ هەبیت، هەروەسا هەرێما کوردستانێ یاریزانه‌كێ گرنگە د وێ یارییا ل ڤێ ده‌ڤه‌رێ دهێته كرن، د هەمان ده‌مدا مه بزاڤكرینه نەبینە پشكه‌ک ژ وان كێشێن ل ڤێ ده‌ڤه‌رێ دا هەین.
