ئاژانسا خانی:
جێگرێ سەرۆکێ لژنا ئاساییش و بەرگرییێ ل پەرلەمانێ عێراقێ دیاركر: بۆ دانوستاندنێ ل سه‌ر پێشنیاره‌كێ بۆ مێهڤانداریکرنا وەزیرێن ناڤخۆیی و بەرگرییێ ده‌ربارەیى گوتۆبێژێن دناڤبه‌را عێراقێ و ئەمریکا ده‌رباره‌یی پاشه‌رۆژا ئەرکێ هه‌ڤپەیمانییا نێڤدەولەتییا ل دژى داعشێ دێ كۆم بن.
سەگڤان سندى، زێده‌تر گۆت” سوبه‌هی چارشەمبی، 14 شواتا 2024 ێ” لژنا وان دێ کۆمبیت و ئێک ژ کارێن وان، دانوستاندنا پێشنیاره‌كێیه بۆ مێهڤانداریکرنا هەردو وەزیرێن ناڤخۆ و بەرگریىا عێراقێ بۆ په‌رله‌مانی.
ناڤهاتی گۆت ژی: وێ پێشنیارێ پێدڤی ب دەنگدانێ هه‌یە دناڤا لژنا ئاساییش و به‌رگرییێ دا ل په‌رله‌مانی” داکو ببیتە نڤیساره‌كا فەرمى” د هه‌مان ده‌مدا گازیكرنا وان هه‌ردو وەزیران بۆ وه‌رگرتنا زانیارییانە ده‌ربارەیى دانوستاندنێن دناڤبه‌را عیراقێ و ئەمریکا دا سه‌باره‌ت ئەرکێ هێزێن هه‌ڤپەیمانییا دژى داعشێ ل عێراقێ د ده‌مێن بهێت دا.
هه‌روه‌سا ل رۆژێن 27 ی کانوونا دووێ و 11 ی شواتێ، دو کۆمبوون دناڤبه‌را شاندێ سەربازییێ عێراقێ و هه‌ڤپەیمانییا نێڤده‌وه‌لتییا ل دژی داعشێ هاتینه کرن، بۆ دانوستاندنێ ده‌ربارەیى ئەرکێ هه‌ڤپەیمانان و پەیوەندىیێن دوقۆلى ییێن دناڤبه‌را وان دا ل پاشه‌رۆژێ.
