ل پرانییا پارێزگه‌هێن عێراقێ، كۆمبوونا ئێكێ یا جڤاتێن پارێزگه‌هان هاتینه كرن و پارێزگار و سه‌رۆكێ جڤاتێن پارێزگه‌هان هاتینه هه‌لبژارتن، هه‌تا نوكه چ ده‌م بۆ كۆمبوونا جڤاتا پارێزگه‌ها كه‌ركووكێ هاتینه دیار كرن، بۆ هندێ پارێزگار و سه‌رۆكێ جڤاتا پارێزگه‌هێ بهێنه هه‌لبژارتن.
حەسەن مەجید، سەرۆکێ فراکسیۆنا پارتی ل جڤاتا پارێزگه‌ها کەرکووکێ، راگەهاند، پشتی ل دادگه‌ها کەرکووکێ مه سویند خواری، ئه‌م چووینه جڤاتا پارێزگه‌ها كه‌ركووكێ بۆ هندێ كۆمبوونا ئێكێ یا جڤاتا پارێزگه‌هێ ساز بكه‌ین، به‌لێ لیستا عەرەبی و تورکومانان ئاماده نه‌بوون، ژ ئه‌گه‌رێ تەمامنەکرنا ڕێژا یاسایی ئه‌و کۆمبوونه نه‌هاته‌‌كرن.
گۆت ژی: هه‌تا نوكه لایه‌نێن سیاسی رێكنه‌كه‌فتینه، بۆ ده‌مێ 15 ڕۆژان پارێزگارێ ب وه‌كاله‌ت دشییا مه ئاگه‌هدار بکه‌ت بۆ ئه‌نجامدانا کۆمبوونێن جڤاتێ، بەلێ ئەو ده‌مه ده‌ربازبوو و نوكه وی ماف نەمایه مه ئاگه‌هدار بکه‌ت بۆ کۆمبوونێ.
