ب چاڤدێرییا د.عهلى تهتهر، پارێزگارێ دهۆكێ و ب ئامادهبوونا بهرهڤان حهمدى، بهرپرسێ لقێ 18 و وارشین سهلمان، دهڤهردارێ ئامێدییێ ئەڤرۆ بهرێ بنیاتى بۆ چێكرنا چهند پرۆژەیان ل دەڤەرێن چهمانكێ و سهرسنكێ ب كۆژمێ زێدەتر ژ شهش ملیار دیناران هاتنه دانان.
بەرێ بنیاتی بۆ ئەڤان ژمارەیا پڕۆژەیانە؛
ل سنورێ ناحیا چهمانكێ :-
١. دانانا بهرێ بنیاتى بۆ چێكرنا ڕێكا گهلیێ چهلوكێ – سیارێ ب درێژاهیا 7كم ب كۆژمێ 1 ملیار 374 ملیۆن دیناران.
٢. دانانا بهرێ بنیاتى بۆ چێكرنا ڕێكا گهلیێ ئاڤوكێ ب درێژاهیا 6 كم ب كۆژمێ 1 ملیار و 32 ملیۆن دینارا.
٣. دانانا بهرێ بنیاتى بۆ چێكرنا رێكا گۆندێ سپیندارێ – چهلوكێ ب درێژاهیا 3كم ب كۆژمێ 659 ملیۆن دینارا.
٤. گههاندنا هێلا كارهبێ بۆ گۆندێ ئاڤوكێ و گهلیێ ئاڤوكێ ب كۆژمێ 216 ملیۆن دینارا.
٥. دانانا بهرێ بنیاتى بۆ چێكرنا چهند پرۆژا ل سنوورێ ناوچهداریا سهرسنكێ ب كۆژمێ 2 ملیار و375 ملیۆن دینارا.
پارێزگارێ دهۆكێ ل دۆر پڕۆژەیان دیاركر، ل دووڤ ڕازیبوونا مهسرور بارزانى، سهرۆكێ حكومهتا ههرێما كوردستانێ ول سهر بودجا تایبهت یا پارێزگههێ ئهڤ پرۆژه دێ هێنه ئهنجامدان و بهایێ وان پتره ژ 6 ملیار دینارا وب چێكرنا ڤان پرۆژا دێ بزاڤهكا بهێز یا ئاڤهدانیێ ل دەڤهرێ پهیدابیت و گهشتوگوزار دێ پتر پێشكهڤیت.
د.عهلى تهتهر، پارێزگارێ دهۆكێ دیاركر ژی، كو ل حهفتیێن بهێت ژمارهكا پرۆژەیێن نوی دێ ل ههمی دەڤەرێن دى یێن ئامێدیێ هێنه ئهنجامدان.
