رێڤهبهرییا هاتنوچوونا دهۆكێ ئهڤرۆ پێنجشهمبیێ چهند رێنما بهلاڤكرینه كو ل بهردهستێ ئاژانسا خانی نه تێدا هاتیه “كارگێرییا پارێزگهها دهۆكێ بۆ كاروبارێن ناڤخۆ ئاگههدارییا ههمى شۆفێران و ب تایبهت ئهو ترۆمبێلێن گهڕۆك یێن كارێ وان كڕین و فرۆتن و كۆمكرنا كهلوپهلان دناڤ تاخان دا دكهت كو ژمارهیهكا بڕیاران ل دۆر كارێ وان هاتنه دان“.
دیار ژى كریه؛ ئهو بڕیاره ئهڤهنه:
– كارێ وان ترۆمبێلان ژ دهمژمێر 10ى سپێدێ ههتا بانگێ مهغرهب بیت.
– نابیت هۆرنان لێبدهن و گازییا دهنگى بكاربینن، بهلكو ب تنێ دشێن دهنگێ میۆزیكێ یێ ژ لایێ رێڤهبهرییا هاتنوچوونێ ڤه هاتیه دهستنیشانكرن بكاربینن.
– ترۆمبێلێن ڤى كارى دكهن پێدڤیه ل دویڤ یاسا و رێنمایێن رێڤهبهرییا هاتنوچوونێ كار بكهن.
– نابیت شۆفێر و كرێكارێن ل گهل دا دناڤ ترۆمبێلێ یان گهراجان یان مزگهفتان یان دناڤ گهڕهكان دا بنڤن بهلكو پێدڤیه ل مۆتێلان یان ئۆتێلان یان جهێن ئاكنجیبوونا خۆ بنڤن.
– نابیت ژ دو كهسان پتر د ترۆمبێلێ دا ڤى كارى بكهن.
– نابیت سنێله ڤى كارى بكهن.
– نابیت گهڕيانا وان ل جهێن ڤهدهر بیت وهكى مهزرهعهیان و رهز و باغچهیێن دهرڤهى گوند و باژێران.
– رێكپێدان ب وان دهێته دان پشتى رازیبوونا لژنهیا كاروبارێن ناڤخۆ ل پارێزگهها دهۆكێ دهێته وهرگرتن و ههر ترۆمبێلهكا بێ دهستویرى كار بكهت دهملدهست دێ هێته راگرتن تا دهستویریێ وهربگریت.
دایه دیاركرن ههر وهلاتییهكێ مهرجێن كارى نهبن و ڤى كارى بكهت دێ پێرابوونێن یاسایى ل گهل هێنه وهرگرتن.
