<h3></h3> <h3>ئاژانسا خانی:</h3> <h3></h3> <h3>رێڤەبەرێ بازاڕکرنێ ل دەستەیا گەشتوگوزارا ههرێما كوردستانێ دیار كر: ھەرێما کوردستانێ دێ پشكدارییێ د پێشانگهها (33) یا گەشتیاری دل ل دوبەیی دا كهت و 70 کۆمپانییێن گەشتیاری ل ھەرێما کوردستانێ د وێ پێشانگههێ دا دێ پشكدار بن.</h3> <h3>سیروان تۆفیق، زێدهتر گۆت: پێشانگهها 33 ێ یا دوبەیی یا نێڤدەولەتی بۆ گەشتوگوزاری دێ هێته گێران، دەستەیا گشتییا گەشتوگوزارا ھەرێما کوردستانێ دێ تێدا پشكدار بیت، ئهو پیشانگههه ل ڕۆژێن 6 ھەتا 9 ی ڤێ ههیڤێ دێ هێته گێران، سالانە دو ھزار کۆمپانی و پتر ژ 500 براند و 162 وهلات پشكدارییێ د وێ پێشانگههێ دا دکەن، ئەڤ ساله دەستەیا گەشتوگوزارا ھەرێمێ و 70 کۆمپانییێن گەشتیاری یێن فڕۆکەڤانی ل ھەرێما کوردستانێ دێ پشكدارییێ تێدا كەن.</h3> <h3>ناڤهاتی گۆت ژی: پشكدارییا ھەرێما کوردستانێ د پێشانگهها نێڤدەولەتییا دوبەیی دا بۆ ئەنجامدانا گرێبەستێن گەشتیاری و لێك تێگەهشتنێیە ل گەل کۆمپانی و وهلاتێن پشكدار بۆ هندێ وەبەرھێنەرێن گەشتیاری و کۆمپانییێن گەشتیاری بهێنە ھەرێما کوردستانێ.</h3> <h3></h3> <h3></h3>
