سەرۆکێ دەستەیا وەبەرهێنانێ ل هەرێما کوردستانێ دیار كر: داخوازێ ژ جۆتیاران دکەین ئەو گەنمێ مایی هه‌تا 11 ی ئیلۆنێ ڕادەستی ئەوان کۆمپانیان بکەن یێن كو هاتینه دیارکرن بۆ وان” هه‌روه‌سا ئه‌ڤه دو سالە لژنەكا بەردەوام هەیە، كو ب سەرۆکاتییا ده‌سته‌یا وه‌به‌رهێنانێ یه بۆ وەرگرتنا گەنمێ جۆتیاران، پار ژی ئه‌و پرۆسە هاته بجهئینان، ب رێیا ئەوان پرۆژێن کو هاتینه تایبەت کرن بۆ وەرگرتنا گەنمی و بازارکرنا گه‌نمی ل باژێرێن سلێمانییێ، هەولێر و دهۆکێ.
د. محەمەد شوکری، زێده‌تر گۆت: ئه‌ڤ ساله وێ پرۆسێ ل 8 ی ته‌باخێ دەستپێکرییە، نڤیساره‌ك بۆ وان كۆمپانیان هاتییه هنارتن یێن كو هاتنیه دیارکرن، كو ل باژێرێ سلێمانییێ و گەرمیان و ده‌ڤه‌رێن دیتر کۆمپانیا قەیوان هاتییه دیار كرن، ل هەولێر و دهۆکێ ژی کۆمپانیا خۆشناو هاتییه دیار كرن” هه‌روه‌سا لدووڤ بڕیاره‌كا دیوانا سەرۆکاتییا جڤاتا وەزیران، نڤیساره‌ك بۆ مه هاتییە کو هنده‌ک کۆمپانیێن دیتر ژی هەنه، وان ژی دڤێت پشكدارییێ بکەن لدووڤ وان ڕێکارێن حکومەتا هەرێما کوردستانێ داناین ئه‌و ژی دشێن پشكدارییێ تێدا بکەن” ب هەماهەنگی ل گەل وەزارەتا چاندنێ و وەزارەتا بازرگانی و پیشەسازی” كو هنده‌ک ڕینمایێن تایبەت هاتینه دانان، پێدڤییە ئەو کۆمپانیێن كو ئاماژە پێ هاتینه کرن گەنمی وەربگرن، هەروەسا هه‌تا 11 ی ئیلۆنا ئه‌ڤ ساله وەرگرتنا گه‌نمی دێ یا بەردەوام بیت.
سەرۆکێ دەستەیا وەبەرهێنانێ دیار كر ژی: لدووڤ وی خشتێ وەزارەتا چاندنێ و وەزارەتا بازرگانی دهێنه پێشکێش کرن، هەروەسا لدووڤ ئەوێ دووڤچوونا لژنا پار دانایی كو پێدڤییە بهێنه کرن” كو ئەو گەنمێ مایی ژ جۆتیارێن کوردستانێ بهێته وەرگرتن ” هه‌روه‌سا بهایه‌كێ تایبەت ژی بۆ وی گەنمی هاتییه دانان، چونکی بهایێ بازاڕی گوهۆرین ب سەردا نەهاتییە، مه دو بها داناینە” ئه‌و ژی 575 هزار و 600 هزار دینارێن عێراقی بۆ هەر تەنه‌كێ بۆ هندێ ئه‌و پرۆسە یا بەردەوام بیت و جۆتیار ژی د مفادار بن” دیسان ئه‌و پاره بۆ ده‌مێ دو هه‌یڤان دێ هێته دان بۆ جۆتیاران” هه‌روه‌سا ئه‌م داخوازێ ژ جۆتیاران دکەین گەنمێ خۆ ڕادەستی ئەوان کۆمپانیان بکەن یێن كو هاتینه دیار کرن.
