د. نیشتمان عارف، رێڤەبەرێ ڤێتێرنەری ل پارێزگەها دھۆکێ دیار كر: ب پشتەڤانییا حکومەتا هەرێما کوردستانێ، پشتی بەلاڤبوونا نەخۆشییا تایا خوینبەربوونێ ل چەندین پارێزگەهێن ناڤین و ژێریا عێراقێ، ب مەرەما ڕێگریكرنێ ل بەلاڤبوونا وێ نەخۆشییێ، ل 15-04-2025 ێ” مە دەست ب هەوا رەشاندن و ڤاكسیندانا گیانەوەران ل سنوورێ پارێزگەها دهۆكێ كرییە و بۆ دەمێ دو هەیڤان، هەتا 15-06-2025، ئەڤ هەوە دێ یا بەردەوام بیت و ئەم وان دەرمان و ڤاكسینان ب رەنگەكێ بەلاش د دەینە خودانێن وان گیانەوەران.
د. نیشتمان عارفی ئاشكرا كر ژی: 18 تیمێن سەر ب رێڤەبەرییا گشتییا ڤێتێرنەرییا پارێزگەها دهۆکێ سەرپەرشتییا هەوا ڕێگریكرنێ ل بەلاڤبوونا نەخۆشییا تایا خوینبەربوونێ دکەن و ل هەر ناحیەكێ و قەزایەکێ تیمەک هاتییە پێكئینان و تیمەك ل سەنتەرێ باژێرێ دهۆكێ هەیە ڕۆژانە رێنمایان ددەتە وان تیمان و پێدڤییان بۆ دابین دكەت.
رێڤەبەرێ ڤێتێرنەرییا دھۆکێ گۆت ژی: هەتا نوكە ب دەهان جهێن بخودانكرنا گیانەوەران هاتینە رەشاندن و ئەو پرۆسە یا بەردەوامە و زۆر جار ئەوێن گیانەوەران بخودان دكەن سەرەدانا فەرمانگەها مە دکەن و داخواز دكەن دەست ب رەشاندنا جهێن گیانەوەرێن وان بكەین، ئەم بێ بەرامبەر ئەڤان کاران بۆ دکەین، ئەڤ هەوە ب مەرەما پاراستنا سلامەتی و ساخلەمییا خەلکێیە.
هێشتا دبێژیت: مەترسیا تایا خوینبەربوونێ ھەیە، لەوما دڤێت خەلك د ھشیار بن و رێكێن خۆپارێزییێ بکاربینن و گۆشتێ ل سەر جادان نەکرن” هەروەسا ڤایرۆسێ تایا خوینبەربوونێ یێ مو تووشی گیانەوەران دبیت، چ زیانەكا گیانی ناگەهینیتە گیانەوەران و چ نیشانەكا وەسا ل سەر دیارنابیت و ئەڤە کێشا سەرەکییە، دیسا هەتا نوكە تیمێن مە 40% ێ كارێ خۆ ئەنجامدایە.
