<h3>نێچيرڤان بارزانى، سه‌رۆكێ هه‌رێما كوردستانێ پێشوازی ل هيتۆشى ئيشيزوكا، به‌رپرسێ نوو یێ نڤیسينگەها كۆنسولگه‌ريیا ژاپونێ ل هه‌ولێرێ كر. د ديدارێدا نێچيرڤان بارزانى، پيرۆزباهيیا ده‌ستبكاربوونێ و هيڤییا سه‌ركه‌فتنێ بۆ به‌رپرسێ نوو یێ نڤیسينگەها كۆنسولگه‌ريیا ژاپونێ ل هه‌ولێرێ خواست و هه‌موو پشتەڤانییەكا لايه‌نێن په‌يوه‌نديدارێن هه‌رێمێ بۆ سه‌رخستنا ئه‌ركێ وی، دووپات كر، خواستا هه‌رێمێ بۆ پێشڤەبرنا په‌يوه‌ندييان د‌گه‌ل ژاپونێ نيشاندا و ئاماژە ب ده‌رفه‌تا كاری و وه‌به‌رهێنانا ژاپونى ل عیراقێ و هه‌رێما كوردستانێ كر، سوپاسیا ژاپونێ كر بۆ هاریكاری و پشتەڤانییا وان ل عیراقێ و هه‌رێما كوردستانێ. ژلایێ خۆڤه ئيشيزوكا دووپات كر، وەلاتێ وی ب گرنگی تەماشەی پەیوەندییێن خۆ دگەل عیراقێ و هەرێما كوردستانێ دكەت و دخوازیت د بوارێن جوداجودا دا هاریكارییێن هەڤپشك پێشڤە ببەت و كۆرتییەك ل دۆر چالاكییێن كۆمپانییێن ژاپونی ل هەرێمێ دیاركر.</h3>
