رێڤەبەرێ گشتییێ بازرگانی ل هەرێما کوردستانێ دیار كر: وان نڤیسارەك بۆ بەغدا هنارتییە ب مەرەما وەرگرتنا گەنمێ زێدەتر یێ جۆتیارێن هەرێما کوردستانێ” ژ وێ رێژا بریار ل سەر هاتییە دان كو 400 هزار تەنێن گەنمی نە.
نەوزاد شێخ کامل” دبێژیت ژی: هەموو بەرهەڤی هاتینە كرن” ل دەستپێكا هەیڤا بهێت دەرگەهێن سایلۆیان بۆ وەرگرتنا گەنمێ جۆتیارێن هەرێما کوردستانێ دێ هێنە ڤەكرن و حکومەتا عێراقێ ب فەرمی راگەهاندییە” كو دێ 400 هزار تەنێن گەنمێ جۆتیارێن هەرێما کوردستانێ وەرگرن، بەلێ مە نڤیسارەكا فەرمی بۆ بەغدا هنارتییە بۆ زێدەكرنا رێژا وەرگرتنا گەنمێ جۆتیارێن هەرێما كوردستانێ” هەروەسا پار حکومەتا عێراقێ بۆ وەرگرتنا گەنمێ جۆتیارێن هەرێما کوردستانێ، ل 6 ی خزیرانێ بریار دا سایلۆ بهێنە ڤەكرن” هەتا دووماهی رۆژ” كو 20 ی تەمووزێ د ڤەكری بوون.
ناڤهاتی گۆت ژی: ئەڤ سالە وەكو پار، حکومەتا عێراقێ بۆ هەر تەنەكا گەنمی دێ 850 هزار دینار ژ جۆتیاران وەرگریت” هەروەسا پار
حکومەتا عێراقێ نێزیکی 700 هزار تەنێن گەنمێ جۆتیارێن هەرێما کوردستانێ وەرگرتن.
