سه‌رۆكێ فره‌نسا راگه‌هاند، ئه‌ورۆپا شیانێن خوه نیشا توركیا داینه وه‌كو ئاماژه‌یه‌ك بۆ سه‌پاندنا سزایان، پێدڤیه ئه‌و وه‌لات داویێ ب كارێن تاكلایه‌نه ل رۆژهه‌لاتێ ده‌ریایا ناڤه‌راست بینیت.
ئیمانوێل ماكرۆن، سه‌رۆكێ فره‌نسا ل دۆر په‌یوه‌ندیێن وان د گه‌ل ئێكه‌تییا ئه‌ورۆپا توركیا ئاگه‌هدار كر و راگه‌هاند، ئێكه‌تییا ئه‌ورۆپا پێداچوونه‌كا ته‌مام د په‌یوه‌ندیێن د گه‌ل توركیا دا كرییه و دو‌پات كر، ئه‌ورۆپا هه‌موو ده‌مان بۆ دانوستاندنێ ئاماده‌یه، به‌لێ سیاسه‌تا تێكدانا ئاساییشێ ناهێته قه‌بوول كرن.
ماكرۆن گۆت: ئه‌ورۆپا شیانێن خوه نیشا توركیا داینه، ب ئاماژه‌كرن بۆ سه‌پاندنا سزایان، پێدڤیه توركیا داویێ ب كارێن تاكلایه‌نه ل رۆژهه‌لاتێ ده‌ریایا ناڤه‌راست بینیت.
سه‌رۆكێ فره‌نسا دوپاتكر، ئه‌ورۆپا هه‌موو ده‌مان بو دان وستاندنێ یا ئاماده‌یه، به‌لێ سیاسه‌تا دودلی و تێكدانا سه‌قامگیریێ ناهێته قه‌بوول كرن، داخواز ژى ژ به‌رپرسێن سیاسه‌تا ده‌رڤه‌یا ئێكه‌تییا ئه‌ورۆپا كر، دووڤچوونێ بۆ هه‌موو په‌یوه‌ندیێن ئابووری، بازرگانى و سیاسى د ناڤبه‌را توركیا وئێكه‌تیا ئه‌وروپا دا بكه‌ن.
