خانى نیۆز:
وه‌زاره‌تا گه‌نجینه‌یا ئه‌مریكا سزایێن نوى ب سه‌ر هه‌ژماره‌كا به‌رپرسێن وه‌زاره‌تا ئاسایش و هه‌والگریا ئیرانێ ئیتلاعاتێ دا سه‌پاندن.
وه‌زاره‌تا گه‌نجینه‌یا ئه‌مریكا ئاشكه‌راكر، هه‌ر ئێك ژ ئه‌حمه‌د خۆزاعى و محه‌مه‌د به‌سیرى كو به‌رپرسێن وه‌زاره‌تا ئیتلاعاتا ئیرانێ نه، تومه‌تبارن ب ره‌ڤاندنا كارمه‌نده‌كێ پێشتر یێ نڤیسینگه‌ها ڤه‌كۆلینێن فیدرالى ئێف بى ئاى، ب ناڤێ بۆب لیڤنسۆن ل سالا 2007، ل گراڤا كیش ل باشوورێ ئیرانێ.
ئه‌مریكا د بێژیت: لیڤنسۆن پشتى هاتییه ره‌ڤاندن د ده‌مێ ده‌سته‌سه‌ركرنا خۆه دا، گیانێ خۆه ژده‌ست دایه. وه‌زاره‌تا گه‌نجینه‌یا ئه‌مریكا دیار ژی كر، ئه‌و دو كه‌سایه‌تیێن ئیرانى یێن سه‌ر ب وه‌زاره‌تا هه‌والگرى و ئاسایشا ئیرانێ ئێخستینه ناڤ لیستا ره‌ش یا ئه‌مریكا دا، ئه‌و ژى وه‌ك پێنگاڤه‌كا دى بو زێده‌كرنا فشاران ل سه‌ر ته‌هرانێ به‌رى ب دوماهى هاتنا ده‌مێ سه‌رۆكاتییا دۆنالد ترامپى.
ستیڤن منۆچن، وه‌زیرێ گه‌نجینا ئه‌مریكا، ره‌ڤاندنا لیڤنسۆنى ب نمونه‌یه‌كا به‌رچاڤ یا رژێما ئیرانێ بۆ كارێن نه‌دادوه‌رانه ب ناڤكر.
