رزگار حەمید شەریف
ل دەمەکێدا کو ب دەهان هزار کرێکارێن بیانی و خودانێن کاری ل کوردستانێ کار دکەن و مە هزاران خدام و خولام و گلێشهەلگرێن سریلانکی و ئەندونسی ب کار ئێخستینە، پرانیا گەنجێن مە بێکارن و ژ مەجبوریا خوە هەمی شەڤێ ب فەسیبوک و ئینستەگراما مژیل دکەن و رۆژ نڤستینە. کۆچکرنا گەنجان ژیک بەردەوامە . ل لەندەن و ئەمستردام و بەرلین ئەڤ گەنجە مەجبور دبن شەڤ و رۆژ ل خوارنگەهان و غەسلا ترومبێلان ب رەشی و بێ ماف کارێ بکەن بێ پاشەرۆژەکا دیار.
ئەگەر شول بۆ سریلانکیەک و تورکەک و ئیرانییەک هەبیت بۆ گەنجێت مە بێ شول و بەتالن؟ ئایا گەنجێ مە حەز ژ شولی ناکەت؟؟ بۆ گەنجێ کورد ژ نەچاری کۆچ دکەت و ولاتیەک بیانی کارێ وی پێدڤی وەرگرتبا وەردگرت و لە سەر ولاتێ مە کەیفێ دکەت؟ هندی مە ب هزاران خولام و خدام و کەناس و تەکنیکەر و مامۆستایێ بیانی هەبن، مەعنا وێ کار ل کوردستانێ هەیە! ئەگەر تو دبێژی بۆ گەنج کارێ پاکییێ و خوارنگەهێ ناکەت و ئەم نەچارن، سریلانکی و ئەندونیسیا و عەرەبا بدن شۆلی. دڤێت تو ب چاڤێ کێم بەرێ خوە نەدی وان کارا و ئەو کار ب ماف و ئەرک و ل سەر وەرەقێ گرێبەستا شولی بۆ چێکی. گە نجێ کورد ژ تە قەبول ناکەت تو رەزیل و کرێت بکی و هەمی شۆلا پێ بدی کرن.
پرسگرێکا مەزنا گەنجا بێکاری و بێ پارەی و بێ خودانییە.
دڤێت سەنتەرێن کاری ل هەمی قەزا و ناحیان بکەڤنە کاری و کادرێن کار پەیداکەر ل ڤان سەنتەرا شولی ل سەر نە هێلانا بێکاری بکەن. دڤێت پەرەپێدانا وان گەنجا بێتە کرن کو پێدڤی ب پیتەدان و کۆرسانن بۆ وەرگرتنا کاری. پارالێل پێدڤییە سەندیکا کرێکار و یاسادانەر و ئالییێن شۆلەژێ یاسایێن باش دەربێخن بۆ پارستنا مافێن کارگەر و کارمەندا.
وەرگرتنا کاری دڤێت ب پیڤەر بیت و خزمەت و سەربۆر و باوەرنامە تەمامکەرێن ئێک دوو بن. کار وەرگرتن دڤێت د بەلاڤکرنەکا ئاشکەرا و ب ململانێ و ئینیەرڤیو و دوور ژ مرۆڤکانێ و عەشیرگەراتی و دۆست و برادەراتی بیت.
