كۆڤان حسێن:
ل ڤی وەلاتی و برەکا دی ژ وەلاتێن جیھانێ ژ ھەموو پەیکەرێ دیموکراسییێ ب تنێ ھەلبژارتن کو ئالاڤەکێ دیموکراسییە ب ھەند و بھا ھاتییە وەرگرتن و ئەو ژی ھاتییە ھەرماندن و کەفتییە بن باندورا بارێ سیاسی و گەندەلی و چەندین لەنگا سەرئەنجام” ئەنجامێ ھەلبژارتنان ژی یا کومێدی نە یان ژی جھێ گومانێ نە.
ھەلبژارتن گاڤا بوو ئارمانج نیڤەکا بھایێ خوە ھندا دکەت” ئەگەر نە پرۆسەکا نورمالا سیستەمەکێ دیموکراسی و ئازاد و مافێ مرۆڤی و سەردەمی بیت” نوکە ھەلبژارتن بوویە پرۆژەک بۆ لادانێ نەک پێگوھورکییا دەستهەلاتێ و ئەڤەیە دبیت ئەگەر ئالیێن سیاسی نەک بۆ زانینا رادەیا رازیبوونا خەلکێ ژ خوە و پرۆگرامێن خوە بچن ھەلبژارتنان بەلکو بۆ پەیداکرنا کورسیەکێ باشتر بێژین (دکانەکا سیاسی) ل مەیدانێ کار دکەن.
ل کوردستانێ ئەڤە چەندین ھەلبژارتن ھاتنه کرن و ئەنجام ژی چ جاران سوپرایز نەبوونە ژبلی ٢٥ کورسیێن (گۆران) ێ” جارەکێ ئەو ژی د کویراتیا خۆدا جۆدابوونەکا سیاسی یا ئێک رەوتێ بوو نە گوھۆرینەکا جھێ دلخۆشییێ بیت” ئانکو ژینگەھا سیاسی ل کوردستانێ چ گوھۆرینەکا دراماتیکی پەیدا ناکەت و ئەڤە نەک نیشانەکا خرابە بەلکو رەنگەکێ بنەجھبوونا بیرا سیاسیا خەلکێیە کو د ٣٠ سالێن بوری دا” نەکو سەربورەکا سەرنەکەفتی تاقیکرییە بەلکو هه‌تا نوکە چ پێدڤی و ئەلتەرناتڤەک بەر ئاقل و بەردەوام پەیدا نە بوویە” دویر ژ مزایدا خوە وەک شینگرێ (پارتی و ئێکەتی) پێناسەکەت” ل کوردستانێ کا چەوا دەستهەلاتداری و ئیدارەدانا دەولەتدارییێ نوو و کێم سەربورە ھەروەسا ئۆپۆزسیۆن ژی زۆرا ھەژارە د تیتالێن ئۆپۆزسیۆنێ دا .
پتر دژایەتییە هه‌تا راده‌یا دژواریێ د پەیام و دیتنا خۆدا و ئەڤە بۆ خەلکێ جھێ گومانێ یە وەکی ب ئێک سەمت ل ھەموو وار و سێکتەران دا یا خۆدان ھەلویست نەبیت نەمازە یێن سیاسی، ئەم ل جۆگرافییەکا سیاسی ب ئیمتیاز دژین و ھەموو شانازییا ئۆپوزسیۆنا مە دبیت دیارکرنا فایلەکا گەندەلیێ بیت” د بنەکوکا خۆدا ئەڤە ژی کارێ سازیەکا دەولەتێیە” ل ھەموو پرسێن سیاسی ئەوێن خوە ئۆپۆزسیۆن ناس دکەن خۆ رادەستی رەنگڤەدانا دەم دەمیا شەقامەکێ بێ بەلانێ کرییە و د کێمتر ژ ٤٨ دەمژمێران دا دھێتە گوھۆرین ل دەمەکێ ئالیێن سیاسی بەرنامە و پلان بۆ دەمێن درێژ ھەنە” کوالسیونا دەستهەلاتێ و شەرعیەتا مللەتی ژی نەکو ب چاڤێ گومانێ تەماشەیی دەنگێن نەرازی دکەن” بەلکو ھندە پشتگوهـ ھاڤێتینە ھەتا راده‌یا بێزارییێ سڤک کرینە.
ھەر چەندە پشكه‌كا ڤێ سڤکییێ وان ب خوە ل سەر خوە تاپۆکرییە” نەمازە جارا د حکومەتێ دانن جارا ئۆپۆزسیۆنن، هندەك جارا ژی د ھەر دو سەنگەران دا بوونە” کێماسیا ئۆپۆزسیۆنێ ئەڤە ژ بلی حکومەتەک (ئێگگرتنا نشتمانی) ل دەمێن مەترسییا دا نموونە (شەرێ داعش یان شەرێ کۆرۆنایێ) زێدەتر چوونا وان بۆ ھەر حکومەتەکێ بوو دیکور تاوانە بەرامبەر دیموکراتییەتێ و بێزارکرنا مللەتییە ژ گوھۆرینێ و پاشی سڤککرنا بھا و چەمکێ ئۆپۆزسیۆنبوونێ یە” دەستهەلاتێ ل کوردستانێ خواندن بۆ ئۆپۆزسیۆنێ نینە ژ راستی یا مەمنوونە، ئۆپۆزسیۆن د ڤێ رەوشێ دا یا کەیفخۆشە ئەڤە دژبەرێن وێ بن” چونکی بۆ کورتی ڤالا و بێ بەرنامەنە و باشتر بێژین د سیاسەتێ دا بێ ھەلویستن” سەربورا کوردستانێ یا نموونە نینە وەک ل چ جھەکێ جیھانێ نموونە نەبوویە. چونکی دەستهەلاتداری پرۆسەکا دەمدرێژا بەردەم پێدڤی ب گوھۆرینێ و نووکرنێ یە ل ھەموو ئاست و وارەکێ دا” ل کوردستانێ ژی ھندەک بنەما ئاڤا کرینە لێ زۆر نازک و بێ سەربۆر و بێ پشتەڤانە” دەستهەلاتا کوردستانێ یا سیاسی بەرھەمێ ئێکگرتنا ھندەک بەرژەوەندییێن سیاسییە و دبیت ئەقلیمی و جڤاکی ژی بیت” روویەکێ جوان یێ ھەیی بەلێ یێ پری پرسیار و ئالوزی.
بۆ ھەلبژارتنا گەرا تازەیا پەرلەمانێ کوردستانێ” پارتی مەزنترین لەمپەرا ڕاگرتنا ڤێ پرۆسێ یە” بێگومان ھەر پرۆسەک نە ساخلەم بیت” دێ ب ڤی رەنگی بیت” مەرەم ژ ھەلبژارتنا ل ڤێ جیھانا ئەم تێدا دیموکراسی روکەشییە و بۆ لادانێیە نەکو جھگھورکانا سیاسی” پارتی دترسیت بەلێ” بەلێ نە ژھندێ کو دەنگا نابه‌ت” بەلگە ژ ئەنجامێ ھندەک دەنگا دترسیت و تەکنولوژیا سیاسی نوکە پەیدابوویە و گومان ل سەر ئەنجامان ھەیە” ب وێ رامانێ پشتی راگەھاندنا ئەنجاما دروست وەک لبنانێ ئەستەمە حکومەتەک ئاڤا بیت کەس نەشێت کوالسیۆنەکا حکومی ئاڤا کەتن و کوردستان دێ بۆ (چار) چارێکێن (معەتەل) د پەرله‌مانی دا تووش بیت. زێدەباری ھندێ پارتی ھندەک بھانەیێن بەرئاقل ھەنە و دبیت شیابیت ھەموو جیھانێ خەمێ ژ کوردستانێ بخوت ژ ئەمریکا ھەتا چینێ رازی بکەتن” کو ئەگەر ھەلبژارتن شەفاف و پاک نەبن باشترە نەبن” چونکی ئەنجام کارەساتن” بلا کوردستانێ کێماسیا گیروبوونا ھەلبژارتنا ھەبیت نەکو شەرعیەتا وێ جھێ گومانێ بیت” ژ من ڤە کوردستان نە هەژی قووناغا بورییە ھەلبژارتنان ب تنێ بۆ ھەلبژارتنان بکەت” بەلکو ھەلبژارتن ب تنێ شەرعیەت دانێ و یادی یا دیارە دێ کی دەرکەڤیت و دێ چ بەرنامە ھەبیت.
چ گوھۆرین دروست نابیت ئەڤا ھەیی دێ بەردەوام بیت. ب ھەمان کاراکتەرێن خۆڤە. ترسا پارتی، ئەڤە باندورا دابەشبوونا هه‌رێما کوردستانێ ب دەردێ پەرلەمانێن لیبیا و لبنانێ و یەمەنێ و عیراقێ نەبن، باشترە پرۆسەکا کوردی بیت ب ھەموو کێماسێن خۆڤە نەکو ئالاڤێ دابەشیا ئەمریکا و ئیرانێ بیت.
