وه‌زیرێ ڤه‌گوهاستنا عێراقێ ده‌مێ چوونا كاروانێ كاروانێ ئێكێ یێ حه‌جییێن عێراقێ بۆ سعوودیه ئاشكرا كرن.
ئه‌ڤرۆ دوشه‌مبی” ره‌زاق محێبس ئه‌لسه‌عداوی” وه‌زیرێ ڤه‌گوهاستنا عێراقێ دیار كر، وه‌زاره‌تا ڤه‌گوهاستنێ هه‌موو ئاماده‌كاری بۆ ڤه‌گوهاستنا حه‌جییان كرینه و گۆت ژی: ئه‌و پرۆسه ل رۆژا شه‌مبییا بهێت 18 ی گولانێ دێ ده‌ستپێكه‌ت.
ناڤهاتی گۆت ژی، فڕۆكێن مه‌ده‌نی ژ جۆرێ بۆینگ هاتینه ئاماده‌كرن بۆ ئه‌نجامدانا گه‌شتا حه‌جییان، تێدا جهێ 364 كه‌سان هه‌یه و چه‌ندین فڕۆكێن دیتر ژی ژ لایێ وه‌زاره‌تا ڤه‌گوهاستنا عێراقێ بۆ ڤه‌گوهاستنا حه‌جییان هاتینه ئاماده‌كرن.
